Link açıqlığı

Saatnıñ esas haberi

Radada qırımtatar sürgünliginiñ tanılmaması içün cinaiy mesuliyet aqta qanun leyhasını azırlaylar


Ukraina Yuqarı Radasınıñ deputatı Georgiy Logvinskiy dey ki, deputatlar gruppası qırımtatar sürgünliginiñ tanılmaması içün cinay mesuliyet aqqında qanun leyhasını azırlay.

Bunı o Qırım.Aqiqatqa bildirdi.

«Holokost, Açlıq ve qırımtatarlarnıñ sürgünliginiñ tanılmaması içün cinaiy mesuliyetni belgileycek qanun leyhasını azırlaymız. Akimiyet areketleri neticesinde qurbanlar bar edi ve biz olarnıñ hatırasını ürmet etmelimiz ve tarihnı tüzetmege kimsege izin bermemelimiz», – dey Logvinskiy.

Ukraina Yuqarı Radası noyabr 12 künü «Qırımtatar halqınıñ genotsidi aqqında» qarar leyhasına rey berdi. Zaruriy 226 deputattan 245 qol tuttı.

Qırımtatar halqı 1944 senesi mayıs 18 künü yarımadadan mecburen sürgün etildi. Sovet akimiyeti bunı «qırımtatarlarnıñ Ekinci cian cenki vaqtında natsist Almaniya ile işbirlikte buluması» ile añlattı. 1989 senesi SSCB Yuqarı Şurası sürgünlikni qanunsız ve cinaiy tanıdı.

XS
SM
MD
LG