Link açıqlığı

Lvivde Qırımtatar halq muzıkası aqşamı keçirilecek


Lvivde, cumaertesi, noyabr 14 künü, «Volçok» art-qavehanesinde bestekâr Cemil Karikov ve yırcı Afize Kasaranıñ iştiraki ile qırımtatar halq muzıkasınıñ aqşamı keçirilecek. Bu aqta «Krım SOS» cemaat teşkilâtında bildirdiler.

Aqşam kontsert, lektsiya, master klass şeklinde keçecek.

Teşkilâtçılar arasına «Qırım evi» devlet şirketi, «Lvivde Qırım evi» qırımtatar medeniy merkezi, «Dziga» teşkilâtı kire.

Cemil Karikov – halq muzıkası ustası, bestekâr, «ATR» telekanalında ansambl reberi. «Haytarma» ansamblniñ muzıkalı reberi, qırımtatar teatriniñ baş dirijörı, «Qırım» telekanalınıñ muzıkalı muarriri olıp çalıştı. 2004 senesi Karikovnıñ teşebbüsi ile «Maqam» halq muzıkası ansambli teşkil etildi.

Talebeleri arasında – belli yırcı, Qırım Muhtar Cumhuriyetiniñ nam qazanğan artisti, bir sıra festivallerniñ laureatı, «Qırım» qırımtatar folklor ansambliniñ yırcısı Afize Kasara.

XS
SM
MD
LG