Link açıqlığı

Saatnıñ esas haberi

Halqara fondlar ve göñülli teşkilâtlar Ukrainada Qırım ve Donbasstan köçip kelgenlerge faal sürette yardım köstere, dey Kezlevden köçip kelgen Oksana Vikarçuk. Onıñ sözlerine köre, Ukrainada Avropa memleketleriniñ yardımı ile köçip kelgenlerge yañı ihtisasnı ögretken, biznes açmağa yardım etken bir sıra leyha bar.

Bu aqta o noyabr 12 künü Qırım.Aqiqat Radiosınıñ efirinde bildirdi.

«Yardım etken, yarışlarnı ilân etip, insanlarnı toplağan ve olar içün çeşit treninglerni keçirgen fondlar bar. Aylıq treningler, eki künlük treningler de ola. İnsanlarğa biznes ile oğraşmaqnı, biznes-plannı yazmağa ögreteler. İnsannıñ amelge keçirmege istegen ğayesine para ayıralar», – dey Vikarçuk.

O dey ki, işbu yarışlarnıñ ğalipleri işleriniñ inkişafına 10-300 biñ grivna elde ete bile.

BMT esabatına köre, Ukrainada Qırım ve Donbasstan 1 438 000 köçip kelgen insan bar.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG