Link açıqlığı

Saatnıñ esas haberi

Camala: halqımnıñ qızım, ana-babam, Cemilev ve Çubarov – menim içün ruhiy yetekçi


Ukrain yırcısı Camala ana-baba ve qırımtatarlarnıñ milliy liderlerini öz ruhiy yetekçileri olaraq tanıy.

Bunı o Qırım.Aqiqat Radiosınıñ aqşam efirinde bildirdi.

«Menim içün ruhiy yetekçi – Mustafa Cemilev (qırımtatarlarnıñ milliy lideri – QA), Refat Çubarov (Qırımtatar Milliy Meclisiniñ reisi – QA), ana-babamdır. Menim içün olar ruhiy yetekçilerimdir. Men ile çalışqan insanlar, küçük taqımım da menim içün itibarlı insanlardır», – dey yırcı.

O daima tamırları ve soydaşlarını bilmege kerek olğanını qayd etti.

«Ukrain yırcısı olam, er vaqıt bunı ğurur ile aytam. Aslı qırımtatar ukrain yırcısı olam. Men içün pek müim! E, qırımtatarım, e, halqımnıñ qızı, bu sancaqnı ğururnen alıp baram! Albomğa ingliz, ukrain, rus yırları arasında qırımtatar muzıkasını tesadüfen qoşmayım», – dey Camala.

Camala – aslı qırımtatar ukrain yırcısı. Muzıkası jazz, soul, elektron ve halq muzıkasını qaplap ala. Camala Oles Saninniñ «Povodır» filminde baş qadın rolüni icra etti.

XS
SM
MD
LG