Ukraina Yuqarı Radası noyabr 12 künü keçirilecek toplaşuvda qırımtatar halqı genotsidiniñ tanılması aqqında qarar leyhasını (№2493) baqacaq. Bunı Ukraina Yuqarı Radasınıñ üçünci sessiyasınıñ kün tertibi belgiley.
Qarar leyhasına köre, 1944 senesi Qırımdan qırımtatarlarnıñ sürgünligi qırımtatar halqınıñ genotsidi olaraq tanılmalı.
Qırımtatar halqınıñ genotsid qurbanlarını hatıra künü – mayıs 18 olacaqtır.
Tabir tezkeresinde bildirilgeni kibi, Ukraina Yuqarı Radası halqara toplulıqqa muracaat etip, qırımtatarlarnıñ sürgünligini takbih etmege çağırdı. Tarihiy adaletniñ tiklenmesi ve ileride qırımtatar halqına ya da başqa bir halqqa nisbeten böyle areketlerniñ olmasına yol bermemek içün, genotsid cinayetiniñ tenbiyesi ve cezalandıruvı aqta BMT Beyannamesine köre, 1944 senesi Qırımdan qırımtatarlarnıñ sürgünligi qırımtatar halqınıñ genotsidi olaraq tanılmalı ve Ukraina ve halqara toplulıq tarafından mütenasip cevap olmalı.
Qırımtatar halqı 1944 senesi mayıs 18 künü yarımadadan mecburen sürgün etildi. Sovet akimiyeti bunı «qırımtatarlarnıñ Ekinci cian cenki vaqtında natsist Almaniya ile işbirlikte buluması» ile añlattı. 1989 senesi SSCB Yuqarı Şurası sürgünlikni qanunsız ve cinaiy tanıdı.
