Salı künü, noyabr 10-da, Aqyarnıñ Lenin rayon mahkemesinde Rustem Vaitov, Ruslan Zeytullayev, Nuri Primov ve Ferat Sayfullayevge apis müddetini uzattırmaq aqqında şefaat baqıldı. Olar Rusiyede yasaq etilgen «Hizb ut-Tahrir» teşkilâtına alâqası bar olğanında şeklene. Mahkeme apis müddetlerini eki ayğa uzattı.
Bu aqta Qırımtatar Milliy Meclisiniñ matbuat hızmeti bildire.
Matbuat hızmetiniñ malümatına köre, Qırımtatar Milliy Meclisiniñ birinci muavini Nariman Celâl, Meclis reisiniñ daa bir muavini İlmi Ümerov, şeklengenlerniñ soylarını mahkeme toplaşuvına kirsetmediler.
Maheme organlarınıñ işbu esnas boyunca izaatı yoqtır.
Şeklengenlerni bu sene başında Qırımda FSB hadimleri yaqaladılar. Qırım advokatı Emil Kürbedinovnıñ malümatına köre, üçü de Ukraina havfsızlıq hızmeti nezareti altında buluna edi, amma olarnıñ Hizb ut-Tahrir teşkilâtına alâqası tasdiqlanılmağan edi.
