Rusiye turizm operatorları evel rusiyeliler tarafından Mısırğa alınğan biletlerni Qırımğa deñiştirmek imkâniyetini tüşünmey. Bunı Rusiye turistik sanayı birliginiñ şimaliy-ğarbiy regional bölüginiñ müdiri Yekaterina Şadskaya bildirdi, haber ete TASS.
Onıñ sözlerine köre, Sankt-Peterburg turistlerine Mısır turlarını Qırım raatlanuvına deñiştirmege imkân yoq.
«Söz çarter ava uçuşından ibaret olğan turlar aqqında kete, şunıñ içün operatorlar müşterilerine Mısırğa yaqın bir raatlanuv yerlerini saylamağa teklif ete, Türkiye ve Qıbristan kibi», – dey o.
Aynı zamanda, Şadskaya degeni kibi, daa raatlanmaq içün yerni saylamağanlarğa turoperatorlar Qırım ve Soçi turlarını teklif ete.
Yaqında Qırımnıñ rusiyeli akimiyetiniñ başı Sergey Aksenov Mısır ve Türkiye yerine rusiyeliler Qırımğa ketecegine ümüdini bildirdi.
