Kiyevde bazarertesi künü Tış siyaset ve havfsızlıq meselelerinden AB yuqarı temsilcisi Federica Mogherini vatandaşlıq cemiyet temsilcileri ve qırımtatarlarnıñ yetekçileri ile körüşti. Bu aqta twitterde Ukrainada AB temsilciligi bildirdi.
Qırımtatar Milliy Meclis reisi Refat Çubarov körüşüvde muzakere etilgen meseleler aqqında tarif etti: «Qırımnıñ azat etilmesi, Rusiyege qarşı sanktsiyalarnıñ saqlanılması, Qırım siyasiy reaneleriniñ serbest qaldırılması, Qırımnıñ vatandaşlıq qamaçavı, elektrika teminlevi ile bağlı, şu cümleden».
AB temsilciliginde qayd etilgeni kibi, Mogherini körüşüvde «AB Qırımnıñ qanunsız işğalini tanımağanı» aqqında bildirdi.
Tış siyaset ve havfsızlıq meselelerinden AB yuqarı temsilcisi Kiyevde prezident Petro Poroşenko, parlament reisi Vladimir Groysman, parlament firqalarınıñ yetekçileri ile körüşecek ola.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.
