Aqyarda keçken afta Okopnaya soqağında yerleşken bala evi tutaştı.
Bunı şeerniñ rusiyeli ükümetiniñ matbuat hızmeti bildire.
«Balalar binadan tahliye etildi», – dey vatandaşlıq qoruvı boyunca tedbirler idaresiniñ reberi İgor Vasilyev.
O yanğın devamında zarar körgenler barmı-yoqmı, demedi, Vasilyevniñ sözlerine köre, noyabr 2-8 künleri arasında şeerde 13 yanğın yüz berdi, neticede 3 insan elâk oldı. Esas sebebi – qızdıruv tertibatı qaideleriniñ bozuluvı, qısqa tutaşuv.
Qırım.Aqiqat bildirgeni kibi, Aqyarda, qızdıruv mevsimi eki afta evel başlasa bile, evlerniñ bir qısmı suvuqta qala. Şeerde tamir işleri alâ daa soñunace yapılmadı.
