Link açıqlığı

«Adalet» qırımtatar futbol komandası Kiyevde açıq idmanda yañı sport kediklerini qazandı. KrımSOS uquq qoruyıcı teşkilâtnıñ saytında bildirilgeni kibi, kedikler KrımSOS ve Stabilization Support Services grant programması sayesinde satın alındı.

Uquq qoruyıcılar sportçularğa sıcaq çamaşır, top, fırçı, konus ve diger sport kediklerini berdi. Bütün bularsız taqımnıñ idman ve oyunları imkânsız olur edi, qayd eteler KrımSOSta.

Köçip kelgenlerniñ abadanlaştıruvi grant programması 2015 senesi sentâbr ayından Ukraina şarqiy regionlarından ve Qırımdan köçip kelgenlerge yardım ete.

BMT esabatına köre, Ukrainada Qırım ve Donbasstan 1 438 000 köçip kelgen insan bar. Faqat, Qırım Muhtar Cumhuriyetinden köçip kelgenlerniñ sayısı resmiy statistikağa köre, eñ azından, eki qat büyüktir.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG