Link açıqlığı

Cumaertesi künü, noyabr 7-de, sport urbasını kiygen gençlerniñ yardımı ile qurucılıq brigadası Aqmescitte qırımtatarlarnıñ toplu yaşağan «Borçoqraq» qasabasında Dülber soqağı boyunca yerleşken topraq damartısını qoraladı ve qurucılıq vagonçığını ketirip qoydı.

Vesiqalarğa köre, işbu topraqnıñ saibi – ekinci gruppa alili, 54 yaşında qırımtatarı Abdul Karakaştır – evel Qırımdan sürgün etilgen Ayşe Çetaknıñ varisidir.

Karakaş Qırım.Aqiqatqa aytqanı kibi, işbu topraq damartısı anası Ayşe Çetakqa 1991 senesi Qırım vilâyet icraiy komitetiniñ qararı ile berildi. 90-ncı seneleri ortasında Ayşe Çetak ve oğlu işbu damartıda yazılğan edi, bunı ev kitabında, ukrain ve rus pasportlarında olğan yazılar tasdiqlay.

«Bu sene mayıs 28 künü anam – Ayşe hanım – ağır hastalığı neticesinde vefat etti, bir özüm qaldım. Onıñ adına yazılğan damartı miras olaraq maña keçti», – dey Karakaş.

Bu sene sentâbr ayında Karakaşnıñ toprağında belgisiz şahıslar peyda oldı.

«Anama topraq damartısınıñ berilmesi aqqında qarar şeer prokurorınıñ qararı ile lâğu etilgeni aqqında kâğıtnı kösterdiler. Oña köre, topraq, Aqmescit şeer şurasınıñ qararı ile, Rusiye Federatsiyasınıñ vatandaşı Şalimova Vera İvanova adına resmiyleştirilgen, onıñ vekâletli insanı – Aqmescitli Volşina Marina İliniçnadır», – dey Karakaş.

Qırım.Aqiqat Voloşina ile bağlanılacaq edi, amma yapamadı.

Vaqia yerine politsiya hadimleri keldi, amma, Karakaşnıñ degeni kibi, qorunıñ qoyulmasına keder etip olamadılar.

Uquq qoruyıcılar bu vaqianı izaatlamay. Qırım.Aqiqat mühbirleri uquq qoruyıcılarnıñ tefsirini almağa areket etecek.

XS
SM
MD
LG