Link açıqlığı

Qırımda noyabr 9 künü furtuna havfı ilân etilgen


Rusiye Fevqulâde işler nazirliginiñ Qırım idaresi yarımadada noyabr 9 künü ava şaraitleriniñ bozula bilecegi aqqında tenbiyeley. Bunı idareniñ matbuat hızmeti bildire.

«Noyabr 9 künü Qırımda, şu cümleden Aqmescit şeerinde, şimaliy-ğarbiy yelniñ saniyede 15-20 metr, tumannıñ 100-150 metr olması beklenile. Noyabr 9 künü gece Qırımda bazı yerlerde küçlü yağmurlarnıñ yağması mümkün», – denile beyanatta.

Qırımda furtunalı yellerden sebep, adet üzre, Keriç parom keçitiniñ işi toqtatıla. Paromlarnı yük ve yengil maşinalarnı avuştırmaq içün işleteler.

XS
SM
MD
LG