Link açıqlığı

Aqmescitte bala bağçasında qırımtatar gruppasını açtılar, mında rus tilinde laf etken balalar da terbiye alacaqtır. Bunı Meclisniñ matbuat hızmeti bildire.

«Aqmescitniñ «Jemçujinka» («İnciçik») №7 bala bağçasında qırımtatar gruppasınıñ açıluvına bağışlanğan tantanalı tedbir keçirildi… Qırımtatar gruppası 25 baladan ibaret, olardan üçü – slav ailelerinden rus tilli baladır. Balalarnıñ ana-babaları qırımtatar medeniyeti ile meraqlana ve balalarnıñ qırımtatar gruppasına qatnavına istegini bildirdiler», – denile beyanatta.

Qayd etilgeni kibi, gruppanıñ açılmasına ocalar, balalarnıñ ana-babaları büyük isse qoştılar.

Mecliste işbu gruppanıñ açıluvı «tolerantlı cemiyetniñ teşkil olunuvına adım» olacağına ümüt besleyler.

Evel Qırımtatar Milliy Meclisinde yerli memuriyetlerniñ milliy sınıflarnı açmaq ve qırımtatar tiliniñ ögrenilmesini teşkil etmege istegi olmağanına ana-babalardan kelgen şikâyetlerniñ sayısı büyük olğanını qayd ete ediler.

XS
SM
MD
LG