Link açıqlığı

Ukraina prezidenti Petro Poroşenko halqara toplulıq Qırımnıñ rusiyeli işğalini iç bir vaqıt tanimaycağına eminligini bildirdi. Qırım üzerinde nezaret Ukrainağa qaytarılacaq, dedi Poroşenko Deutsche Welle bergen intervyüsinde.

«Baş egip, tanısaq, havsızlıq tertibatınıñ qaba bozuluvı ve dağıluvı olur. 1938 senesi olğanı kibi olacaq», – dedi Ukraina prezidenti ve natsist Almaniya tarafından Avstriya işğali aqqında hatırlattı.

Ukraina havfsızlığı içün yekâne kefaletni Poroşenko NATO azalağınıda köre. Fikrine köre, Kiyev bu maqsatqa bir 6-8 yıldan soñra irişe bile.

Donbass ziddiyetiniñ toqtatılması aqqında aytqanda, ukrain prezidenti Kiyev Minsk añlaşmalarınıñ bütün qararalarına riayet etecegini vade etti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG