Link açıqlığı

Radada Ukraina ükümetini Qırım ve Donbass meseleleri boyunca hızmetler çalışmay, dep yüzlediler


Halq deputatı İrina Geraşçenko ( «Petro Poroşenkonıñ bloku» fraktsiyası) Qırım ve Donbass meseleleri boyunca hızmetlerni semereli bir iş yapmağanları içün tenqit etip, olarnıñ faaliyetini tüzetmege çağıra.

«Bugünde-bugün Donbassnı ğayrıdan tiklev devlet agentligi ve Qırım meseleleri boyunca agentlik çalışmaylar. Ükümet qırımtatarlar basqı altında qalğan Qırım vaziyeti boyunca açıq bir mevam saibi olmamaqtan utanmaymı?» – dep ayttı deputat Yuqarı Radada «ükümetke sual saati» vaqtında.

Ukraina ükümeti yanında Qırım meseleleri boyunca Devlet hızmeti quruldı, em de Qırım Muhtar Cumhuriyeti ve Aqyar meselelerinden vekâletli vazifesi açıldı.

Noyabr 3-te Kiyevniñ bölge memuriy mahkemesinde «fevral 20» uquq qorçalayıcı gruppası vekilleriniñ Qırım meseleleri boyunca Ukraina Devlet hızmeti ve onıñ reberlerine qarşı açtırğan davası boyunca birinci toplaşuv olıp keçti.

Rusiyeniñ 2014 senesi mart ayında kerçekleştirgen Qırım işğalinden soñ Hersonda Ukraina prezidentiniñ Qırım temsilciligi, Kiyevde Ukraina Baş prokuraturası yanında Qırım Muhtar Cumhuriyetiniñ prokuraturası ve Odessada Ukraina İçki işler nazirliginiñ Qırım Muhtar Cumhuriyetindeki Baş idaresi çalışmaqta.

Ukraina prezidentiniñ yanında qırımtatar halqınıñ işlerinden vekâletlisiniñ ofisi açıldı. Onıñ reberi Mustafa Cemilev ola.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG