Link açıqlığı

Ukraina Devlet sıñır hızmeti Odessa limanından Qırımğa mal alıp ketmesi aqqında malümatnı teşkere, dep bildirdi ukrain sıñır hızmeti reisiniñ yardımcısı Oleg Slobodân noyabr 5 künü.

«Odessa limanından mallarnı alıp ketüv shemaları aqqında malümat teşkerile, bunıñ kibi bir şey olsa, uquq ceetinden cevap berilecektir», – dep tekrarlay Slobodânnıñ aytqanlarını RBK-Ukraina.

Onıñ bildirgenine köre, bundan evel mallar Herson vilâyetindeki limandan Qırımğa yollanıla kibi malümat peyda olğan edi, lâkin teşkerüv tedbirleri bunı red etti.

Qırım ile memuriy sıñırda mallarnı qanunsız şekilde alıp ketmege tırışqan sıñırcılar yaqalanğan edi.

Sentâbr 20-de qırımtatar liderleriniñ teşebbüsi ile Qırımğa mal ve aşayt mahsulatı ile ketken yük naqliyatını blok etüv aktsiyası başlandı. Qamaçav teşebbüsçilerinden biri, qırımtatarlarnıñ lideri Mustafa Cemilev bildirdi ki, mallarnı Skadovsk şeerinden Qırımğa deñiz üzerinden alıp keteler.

XS
SM
MD
LG