Link açıqlığı

Aqmescit civarında belgisiz şahıslar cami qapılarını patlattılar – QMDİ


Qırımda, Aqmescit civarındaki Saraylı Qıyat köyü yanında belgisiz şahıslar cami qapılarını qırıp, içeri kirdiler. Bunı Qırım Musulmanları diniy idaresiniñ matbuat hızmeti bildire.

Matbuat hızmetinde bildirilgeni kibi, vaqia noyabr 4 künü yüz berdi. Kündüz signalizatsiya söndürilgen ve cami qaravulı yoq edi. Qaravul vaqia aqqında aynı şu künü aqşam bildi.

«Belgisiz şahıslar, camini abramaq maqsadı ile içeri kirdi, anda olğan şeylerni darma-dağın ettiler, amma signalizatsiya sisetmasından akkumulâtordan ğayrı bir şey alıp ketmediler. Kilitli iane qutusı yerinde qaldı, çünki boş edi», – dey imam yardımcısı Emil Kadırov.

«Nezaret kameralarımız yoq, amma signalizatsiya sisteması qurulğan, kündüz qaravul onı söndüre. Camide degerli şey yoq edi, signalizatsiya sistemasından akkumulâtordan ğayrı başqa bir şey ğayıp olmadı»«, – dep qoştı o.

Emil Kadırov şunı da hatırlattı ki, cami yerli sakinlerniñ esabına quruldı. 2010 senesi soñunda caminiñ daa qurulmağan binası belgisiz şahıslar tarafınlan ateşke berilgen edi. Sakinler öz başına camini ğayrıdan tiklediler, şimdi anda namazlar qılına.

XS
SM
MD
LG