Link açıqlığı

Noyabr 5 künü Kiyevde PinchukArtCentre merkezinde qırımtatarlarnıñ sürgünligine bağışlanğan «Radif. Kence bala» leyhası taqdim etildi. Qırım.Aqiqat mühbiri bildirgeni kibi, işlerniñ müellifi – 26 yaşında ressam, doğma harkovlı Roman Mihaylov.

«Lily Hide qırımtatarlarnıñ sürgünligi ve avdeti aqqında yazğan «Arzu etilgen diyar» kitabını oquğanda, aqlımda böyle fikir peyda oldı. Bu ikâye meni eyecanlandırdı ve ayrette qaldırdı ve maña bunı köstermege yardım etecek şekil ve usullarnı qıdırmağa başladım», – tarif etti ressam matbuat konferentsiyasında.

Ukraina Haber siyaseti nazirligi bu leyhağa haber destegini köstere.

«Qırımtatarlarnıñ işğalge qarşı çıqqanını bizge sürgünlik añlata. Rusiye – qırımtatarlar içün duşmandır. Bugün qırımtatarlar ruslarğa Qırım olarnıñ olğanını duymağa bermey», – dedi Ukraina haber siyaseti naziriniñ Qırım işlerinden vekâletlisi Emine Ceppar.

PinchukArtCentre merkezinde yaş ukrain ressamlarına berilgen art-merkezniñ umummilliy mukâfatına 16 namzet kösterilgen. Ğaliplerni dekabr ayında ilân etecekler.

XS
SM
MD
LG