IT mütehassısları Qırımnı terk ete, amma yarımada tışına çıqqanlarnıñ sayısı tam belli degil, bunı Internet Invest Group şirketiniñ müdiri Aleksandr Оlşanskiy Qırım.Aqiqat Radiosınıñ saba efirinde bildirdi.
«Avropada programmacılar serbest zenaat insanları olaraq sayıla – ressam, çalğıcılar kibi. Bu insanlar içün olarnıñ ruhiy alı, sağlığı müim. Bu ise olarnıñ etrafında olğan duyğulı zeminge bağlı. Menimce, Qırım ile olğanını insanlarnıñ belli bir sayısı qabul etip olamadı. Ve «Büyük topraqqa» ketti», – dey o.
Olşanskiyniñ sözlerine köre, IT-mütehassısları VPN-birikmesini qullanıp, Qırımda olğan Avropa ve Amerika sanktsiyalarını qolaylıqnen körmemezlikke ura bide, şunıñ içün yarımadanı terk etken mütehassıslarnıñ tam raqamı belgisizdir.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.
