Link açıqlığı

Keriçte bala oyuncaqları ile çadırlarda Rusiye bayraqlarını satmağa başladılar. İş adamları bunı bala ve ana-babaları arasında meraq büyük olğanı ile añlatalar. A4 kâğıtından ufaq basma bayrağınıñ fiyatı 50 ruble tura. Bayraqnıñ eñ soralğan ölçüsidir, deyler satıcılar.

Keriçte Rusiye bayraqlarını kantselâriya tükânlarında da satın almağa mümkün. Kâğıt bayraçıqları 7-10 ruble tura.

«Az ketireler ve tez satıla», – tarif etti Qırım.Aqiqat mühbirine satıcı.

Bunıñ ile bir ay evelsi tükânlarda aynı böyle fiyat boyunca ukrain bayraqlarını da tapmağa mümkün edi. Şimdi satılmaylar. Amma 300 rubleden ziyade turğan büyük Rusiye bayraqları bar.

Halq birligi Künü Rusiye bayramı vaqtında merkeziy Lenin soqağında Rusiye bayraqları satılmay edi. Olarnıñ yerinde Rusiye prezidentiniñ süreti ile qalpaqlar ve futbolkalar, kürreçikler satıla edi.

XS
SM
MD
LG