Link açıqlığı

Qırımda çarşenbe künü, noyabr 4-de, Koktebel yanında «Cessna» şahsiy uçağı qazağa oğradı, dep bildire Qırım boyunca Rusiyeniñ Fevqulâde işler nazirliginiñ regional idaresi.

İdareniñ malümatına köre, saat 18:10 Klementyev dağı rayonında Koktebel mesken yeri yanında «Cessna» uçağı tüşti.

«İnterfaks» bildirgeni kibi, uçaq felâketi neticesinde dört insan elâk oldı.

«Uçuş devamında qaza yüz berdi ve uçaq yerge tüşti. Neticede uçaqta olğan dört insan elâk oldı. Uçuş qanunsız edi, şunıñ içün yolcularnıñ adları şimdilik belgisizdir», – dep yaza «İnterfaks».

Rusiye Fevqulâde işler nazirliginiñ Qırım idaresinde deyler ki, qaza şaraitleri aqta malümat ögrenile.

XS
SM
MD
LG