Link açıqlığı

Qırımnıñ rusiyeli başı Sergey Aksenov Qırımnı «Rusiyege qarşı haber cenkiniñ esas teatrlarından biri» olaraq adladı.

Bunı o Facebook saifesinde yazdı.

«Tabiiy ki, bu kibi «papiy»lerniñ (uydurılğan malümatlarnıñ) müelliflerine esnaslarnıñ ciddiy talilleri ve içtimaiy araştırmalar kerekmey. Olarnıñ esas maqsadı – öşeklerni tarqamaq, usulları – yalan, tamğalarnıñ qoyulması ve ilâhre. Bunı qırımlılarnıñ akimiyetke işançını, halq birligini bozmaq istegi ile yapalar», – denile Aksenovnıñ beyanatında.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG