Link açıqlığı

Saatnıñ esas haberi

İstanbulda (Türkiye) «Qırım Qara deñiz regionınıñ havfsızlığı çerçivesinde: mesele ve istiqbal» halqara forumı keçe, mında Qırımnıñ Ukrainağa qaytaruv srategiyasını taqdim ettiler.

Bu aqta tedbirniñ iştirakçilerinden biri, qırımtatar halqınıñ aq-uquqlarını qorçalav komitetiniñ idarecisi, Meclis azası Eskender Bariyev bildire.

Aytqanı kibi, forumda seslendirilgen strategiya «Tış işler maydanı» hayriye fondu tarafından işlep çıqarılğan.

Forum Ukrainada Konrad Adenauer Fondunıñ yardımı ile «Krım» siyasiy talil ve tahmin etüv merkezi tarafından teşkil etildi.

Forum işinde Azerbaycan, Ermenistan, Gürcistan, Moldova, Romaniya, Rusiye, Türkiye, Ukraina, Almaniya, Poloniya ekspertleri iştirak etti.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG