Link açıqlığı

Uquq qoruyıcılar Qırımda insan aqlarınıñ bozuluvı boyunca Rusiye ve Ukrainağa qarşı Avropa mahkemesine şikâyetlerni azırlaylar


İnsan aqları boyunca Ukrain Helsing gruppasınıñ adliyecisi Darya Sviridova aytqanı kibi, ne Rusiye, ne Ukraina Qırımda insanlarnıñ ğayıp olunuvını taqiq etmey. Bu sebepten, aytqanı kibi, uquq qoruyıcılar İnsan aqları boyunca Avropa mahkemesine eki memleketke qarşı davalarnı azırlay.

Bu aqta o Qırım.Aqiqat Radiosınıñ efirinde noyabr 4 künü bildirdi.

Sviridova dey ki, teşkilâtları insan ölümi ve Qırımda insanlarnıñ ğayıp oluvı boyunca bir 4 işni taqiq ete. Olardan biri boyunca İnsan aqları boyunca Avropa mahkemesine şikâyet endi berildi.

«İşbu territoriyada (Qırımda – QA) insanlarnıñ ğayıp oluvını tek Rusiye taqiqat organları degil de, Ukraina taqiqat organları da keçirmeli. Bugün azırlanılğan ya da endi berilgen şikâyetler em Rusiye, em, teessüf ki, Ukrainağa qarşı azırlanıla. Çünki ne o, ne bu memleket işbu vaqialarnıñ milliy seviyede taqiqatını keçirmey», – dey o.

Qırım Rusiye tarafından 2014 senesi baarde işğal etilgeninden soñ qırımtatarlar ğayıp olmağa başladı. Qırımda Rusiye taqiqat komitetiniñ idaresi cinaiy işlerni açtı, amma bu insanlarnıñ bulunuv yeri alâ daa belgisizdir. İşler öldürüv ya da insanlarnıñ ğayıp oluvı boyunca açıla.

XS
SM
MD
LG