Link açıqlığı

Qırımtatar Milliy Meclis reisiniñ birinci muavini Nariman Celâl dey ki, zemaneviy Qırımda musulman ve faalleri taqip ve hırsızlıq telükesi altında bulunalar.

Bu aqta Qırım.Aqiqat Radiоsınıñ efirinde noyabr 4 künü bildirdi.

«Musulmanlar ve vatandaşlıq faalleri insanlarnıñ ğayıp oluvı aqqında söz ketkende, telüke altında qala», – dey o.

Celâl şunı da qayd etti ki, Mecliste şimdi ğayıp olğan insanlarnı cemaat mevamı ya da aktiv faaliyeti sebebinden ğayıp olğanlardan ayırmağa zor. Aytqanı kibi, böyle bir 10 insan bar.

«Ğayıp olğanlarnıñ miqdarını, em de sebebini taqip etmege pek qıyın. Çünki uquq qoruyıcılardan fayda yoq. Özlerinden mesuliyetni almaq içün çeşit sebeplerni uyduralar», – dey o ve ğayıp olğan qırımlılarnıñ tuvğanları uquq qoruyıcılar ile alâqa qurmaqtan qorqqanını bildire.

Qırım Rusiye tarafından 2014 senesi baarde işğal etilgeninden soñ qırımtatarlar ğayıp olmağa başladı. Qırımda Rusiye taqiqat komitetiniñ idaresi cinaiy işlerni açtı, amma bu insanlarnıñ bulunuv yeri alâ daa belgisizdir. İşler öldürüv ya da insanlarnıñ ğayıp oluvı boyunca açıla.

2015 senesi yazda yarımadada Aqmescit rayonınıñ sakinleri – Memet Selimov 1986 senesi doğma ve Osman İbragimov 1988 senesi doğma – ğayıp oldılar. 2015 senesi avgust 29 künü Aqmescit rayonı evelirinden biriniñ azbarında olarnıñ cesetleri tapıldı. Uquq qoruyıcılar öldürüvde qabaatlanğan 31 yaşında erkekni yaqaladılar. İlk malümatqa köre, öldürüv turmuş sebebeinden etildi.

XS
SM
MD
LG