Link açıqlığı

Qırım.Aqiqatqa Yuqarı Radanıñ insan aqları, milliy azlıqlar ve milletlerara munasebetler boyunca komitetiniñ muavini Georgiy Logvinskiy degeni kibi, Qırımdaki vatandaşlarını qorumaq içün Ukraina tarafından yapılğan ğayret yeterli degil edi. Onıñ sözlerine binayen, Ukrainada «effektiv cevap azarlanıla».

«Qırımlılarğa destek yeterli olmağanını aytqan qırımtatar cemiyeti ile razım. Amma şunı qaed etmek kerek ki, cinaiy işler açıldı, deliller toplanıla. İnsanlarımızınıñ aqlarını qorçalamaq içün memleketniñ baş naziri, prokuratura ile birlikte qararlarnı alamız», – dey Logvinskiy.

Noyabr 2-de saba Qırımda ATR telekanalınıñ sabıq hadimleri Lilâ Bucurova, Elzara İslâmova ve telekanal saibi Lenur İslâmovnıñ ana-babası yaşağan evleri, em de Moskvadaki evinde tintüvler yapılmağa başladı.

Qırımnıñ Rusiye Federal havfsızlıq hızmeti (FSB) idaresiniñ malümatına köre, tintüvler ATR saibine qarşı açılğan cinaiy iş çerçivesinde keçirile.

Noyabr 2-de saba Rusiyeniñ Merkeziy bankı İslâmovğa ait OOO «Cast Bank» müessisesiniñ litsenziyasını lâğu etti. Qırımtatar iş adamınıñ Qırım.Aqiqatqa bildirgenine köre, bu tedbirlerni Qırım qamaçavı ile bağlay. O, onıñ teşkilâtçılarından biri ola.

Ukraina İçki işler nazirligi ATR qırımtatar telekanalınıñ müdiri Lenur İslâmov ve telekanalnıñ sabıq hadimleriniñ evlerinden keçirilgen tintüvler, em de Qırım işğaline qarşı çıqqan cemaat teşkilâtlarınıñ faaliyetine keder etüv kibi insan aqlarınıñ bozulması boyunca eki cinaiy taqiqatqa başladı.

Ukraina Baş prokuraturası yanındaki QMC prokuraturasında da işbu vaqialar boyunca cinaiy iş açıldı.

XS
SM
MD
LG