Link açıqlığı

Ukraina Haber siyaseti naziri Yuriy Stets dey ki, «qırımtatarlar ukrain yarımadasınıñ işğalci akimiyeti ile razı olmağanı içün Qırım akimiyeti tarafından cezalav nişanı oldılar».

Böyleliknen nazir noyabr 2 künü ATR qırımtatar telekanalınıñ sabıq hadimleriniñ ve telekanal saibiniñ ana-babasınıñ evlerinde keçirilgen tintüvlerni izaatladı.

«Qırımtatarlarğa nisbeten insan aqlarınıñ bozuluvı tamır halqınıñ umumiy aqlarınıñ bozuluvı ile birleşe: milliy idare organlarınıñ, mustaqil milliy matbuat vastalarınıñ yoq etilmesi, til inkişafı içün, medeniy ve diniy adetlerniñ saqlanuvı içün manialarnıñ peyda etilmesi», – dep qayd ete Stets.

Nazirlikniñ saytında aşkâr etilgen beyanatta Rusiye mahsus hızmetleriniñ areketlerini «Qırımda matbuat serbestligine ücüm» olaraq tanımağa mümkün olğanı qayd etile.

«Qırımda yalıñız söz serbestligine doğru ücüm degil de, serbest matbuatnıñ soñ ocaqlarınıñ yoq etilmesi», – denile beyanatta.

O Ukraina prokuraturası organlarından «Qırım sakinleri, qırımtatarlar, jurnalistlerniñ aqlarınıñ bozuluvına alâqası bar olğanlarını Ukraina qanuniyeti boyunca mesuliyetke çekmege talap etti.

Ukraina haber siyaseti naziriniñ keñeşçisi Emine Ceppar Ukraina Baş prokuraturası yanında QMC prokuraturasına Qırımda ATR telekanılınıñ binasında, telekanalnıñ sabıq baş müdiri Elzara İslâmova, onıñ muavini ve Qırım jurnalisti Lilâ Bucurovanıñ evlerinde, telekanal saibiniñ ana-babası ve tatasınıñ evlerinde tintüvlerniñ keçirilmesi ve ATR saibi Lenur İslâmovğa qarşı cinaiy işlerniñ açılması sebebinden muracaat etti.

XS
SM
MD
LG