Link açıqlığı

Saatnıñ esas haberi

Ekspertler: Türkiye içün Ukraina qırımtatarlar kibi meraqlı degil


Türkiye tarafından qırımtatarlarğa destekni Ukrainağa qol tutuv olaraq tanımaq kerekmey. Anda keçken parlament saylavlarından ve prezident Recep Erdoğan firqasınıñ ğalebesinden soñ Urkaina Türkiyege yaqınlaşmaqnı beklememeli.

Bu kibi fikirni Qırım.Aqiqat Radiosınıñ saba efirinde Yaqın şarqiy taqiqatlar merkeziniñ müdiri İgor Semivolos ve Suriye ve Türkiye vaqialarını aydınlatqan jurnalist, İvan Yakovina bildirdiler.

«Türkler ve Türkiye milletçileri qırımtatarlarda ayrı halqnı degil de, türk halqınıñ qısmını köreler. Şunıñ içün daima meraqlanalar», – dey Yakovina.

Onıñ fikrine köre, Türkiye akimiyetiniñ öz içki problemaları da çoq, «Türkiye prezidentiniñ qırımtatarlarğa nisbeten belâğatı tesiriniñ tiklenmesi ğayesi ile teñ kele».

«Ukrain meseleleri Erdoğan ve Türkiye siyasetçileri añlarınıñ periferiyasındadır», – dey Yakovina.

Yaqın şarqiy taqiqatlar merkeziniñ müdiriniñ fikrine köre, Ukraina ve Türkiye arasında «munasebetlerniñ bugünki seviyesini saqlamağa» yahşı olur edi.

«Munasebetlerimizniñ iç olmağanda bugünki seviyesini saqlamağa yahşı olur edi», – dey o.

Türkiye baş naziri Ahmet Davutoğlu noyabr 1-de keçirilgen parlament saylavlarını ükümran Adalet ve inkişaf firqası içün «ğalebe künü» oalaraq adladı. Türkiye prezidenti Recep Erdoğan dünyanı saylavlarnıñ neticelerini ürmet etmege çağırdı.

XS
SM
MD
LG