İstanbulda Ukrainanıñ sabıq konsulı Bogdan Yaremenko dey ki, Türkiye tarafından qırımtatarlarnıñ daimiy destegi içün Türkiye ükümetiniñ ayrı siyaseti olmalı. Diplomatnıñ fikrine köre, yaqın vaqıtta bir şey deñişecegine ümüt beselmek kerekmey.
Bu aqta Yaremenko Qırım.Aqiqatqa bildirdi.
«O (böyle siyaset – QA) yoqtır. Vaziyetke sesleneler, ükümetniñ fikrine köre, daa da emiyetli meseleler ile oğarşalar. Yıl evelsi Rusiye ile ticaret emiyetlice edi, endi – Suriyede Rusiyege qarşılıq. Qırımtatarlarnıñ probleması, ükümran firqanıñ noqtaiy nazarı boyunca, – ekinci derecelidir»,– dey Yaremenko.
Aytqanı kibi, ileride de Türkiye öz yardımını köstermeycek, seslendirecektir. Yaremenkonıñ degeni kibi, qırımtatarlarnıñ yetekçileri bunı bile.
Türkiye baş naziri Ahmet Davutoğlu noyabr 1-de keçirilgen parlament saylavlarını ükümran Adalet ve inkişaf firqası içün «ğalebe künü» oalaraq adladı. Türkiye prezidenti Recep Erdoğan dünyanı saylavlarnıñ neticelerini ürmet etmege çağırdı.
