Link açıqlığı

Ukraina Yuqarı Radasınıñ İnsan aqları, milliy azlıqlar ve milletlerara munasebetler boyunca komitetiniñ başı Grigoriy Nemırâ ATR telekanalınıñ hadimleri ve saibiniñ evlerinde tintüvlerni keçirgen Rusiye mahsus hızmetleriniñ areketlerini takbih etti ve ukrain tarafından «açıq-aydın» siyasetniñ olmaq kerekligini qayd etti.

Bu aqta Grigoriy Nemırâ Kiyevde bazarertesi künü noyabr 2 künü keçirilgen matbuat konferentsiyasında bildirdi.

«Ukraina tarafından açıq-aydın mevam olmağanından sebep ola. Nasıl mevam olmalı? Böyle qanunsız areketlerni etkenlerge qarşı Ukraina qanuniyeti ve halqara uquq çerçivesinde er angi usul qullanmalı. Olarnı şahsiy sanktsiyalarğa oğrağan insanlarnıñ cedveline qoşmaq içün (prokuror, işğal etilgen Qırımnıñ vekâletli şahısları) – reaktsiyanıñ usullarından biri, o taraf böyle areketlerge diqqat etkenimizni bilsin» , – qayd etti Nemırâ.

Noyabr 2-de saba Qırımda ATR telekanalınıñ sabıq hadimleri Lilâ Bucurova, Elzara İslâmova ve telekanal saibi Lenur İslâmovnıñ ana-babası yaşağan evleri, em de Moskvadaki evinde tintüvler yapılmağa başladı.

Qırımnıñ Rusiye Federal havfsızlıq hızmeti (FSB) idaresiniñ malümatına köre, tintüvler ATR saibine qarşı açılğan cinaiy iş çerçivesinde keçirile.

Noyabr 2-de saba Rusiyeniñ Merkeziy bankı İslâmovğa ait OOO «Cast Bank» müessisesiniñ litsenziyasını lâğu etti. Qırımtatar iş adamınıñQırım.Aqiqatqa bildirgenine köre, bu tedbirlerni Qırım qamaçavı ile bağlay. O, onıñ teşkilâtçılarından biri ola.

Ukraina İçki işler nazirligi ATR qırımtatar telekanalınıñ müdiri Lenur İslâmov ve telekanalnıñ sabıq hadimleriniñ evlerinden keçirilgen tintüvler, em de Qırım işğaline qarşı çıqqan cemaat teşkilâtlarınıñ faaliyetine keder etüv kibi insan aqlarınıñ bozulması boyunca eki cinaiy taqiqatqa başladı.

Ukrain nazirliginde berilgen malümatqa köre, cinayet malümatları mahsus bazağa kirsetildi. Sentâbr 20-de qırımtatar liderleriniñ teşebbüsi ile Qırımğa aşayt mahsulatı ve mallarını alıp ketken yük naqliyatını blok etüv aktsiyası başladı.

XS
SM
MD
LG