Link açıqlığı

Ukraina Tış işler nazirligi Qırım tintüvlerini qırımtatar matbuat vastalarınıñ «mümkün olmağan repressiyaları» olaraq adladı


Ukraina tış işler nazirligi qırımtatar matbuat vastalarınıñ temsilcilerinе destek bildire ve Qırımda noyabr 2 künü keçirilgen tintüvlerni «mümkün olmağan repressiyalar» olaraq adladı.

Bu aqta Ukrain Tış işler nazirliginiñ matbuat kâtibi Maryana Betsa Twitterde yazdı.

«ATR qırımtatar telekanalına nisbeten repressiyalar, kanal jurnalistlerinde keçirilgen tintüvler – mümkün degil. İşğalci akimiyetniñ areketlerini takbih etemiz», – denile beyanatta.

«Rusiye işğalci akimiyeti insan aqlarını ve qanuniy serbestlikni, şu cümleden matbuat vastalarınıñ serbestligini boza. Qırımtatar matbuat vastalarına destek bildiremiz. İşğalcilerniñ qanunsız areketlerine halqara toplulıq qıymet kesmeli», – dey o.

Saba noyabr 2 künü Rusiye Merkeziy Bankı İslâmovğa ait «Just Bank» şirketiniñ litsenziyasınıñ qaytarılması aqqında malümatnı aşkâr ettti. Qırımtatar iş adamı Qırım.Aqiqatqa aytqanı kibi, işbu areketlerni Qırım qamaçavı ile bağlay.

Ukraina Tış işler nazirligi Qırımda insan aqlarınıñ bozuluvı boyunca eki cinaiy işni açtı.

Sentâbr 20 künü qırımtatarlarnıñ yetekçileri tarafından teşkil etilgen Qırımğa mal taşığan yük naqliyatınıñ qamaçavı başlandı.

XS
SM
MD
LG