Link açıqlığı

Qırımda çarşenbe künü, noyabr 3-de, Aqmescitniñ Kiyev rayon mahkemesinde «fevral 26» işiniñ iştirakçilerinden biri Mustafa Degermenciniñ işi boyunca mahkeme toplaşuvı keçirilecek. Bunı öz Facebook saifesinle qırımtatar halqınıñ aq-uquqlarını qorçalav komitetiniñ idarecisi, Meclis azası Eskender Bariyev bildirdi.

Yaqında Mustafanıñ babası Bekir Degermenci Qırım.Aqiqatqa tarif etkeni kibi, Aqmescitniñ SİZOsında yarım yıl bulunğan Mustafa Degermencige taqiqatçı Meclis reisiniñ muavini Ahtem Çiygozğa qarşı delillerni bermege teklif etken edi.

Mustafa Degermenci mayıs 7 künü Sudaqnıñ Suvuq Sala qasabasında yaqalandı.

Hatırlatamız, 2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı.

XS
SM
MD
LG