Bazarertesi künü, noyabr 2-de, Rusiye Merkeziy bankı saytında ATR telekanalınıñ saibi, iş adamı Lenur İslâmovnıñ «Just Bank» şirketiniñ bank ameliyatlarınıñ keçirilmesine litsenziyanıñ qaytarılması aqqında malümat peyda oldı.
Mında añlatılğanı kibi, işbu qarar «bank faaliyetini idare etken federal qanunlarnıñ ödünç qaideleriniñ, em de Rusiye Bankınıñ uquqiy qararlarınıñ amelge keçirilmemesi» sebebinden alındı.
Şusı bildirile ki, «Just Bank» şirketinde muvaqqat memuriyet tayinlengen.
Evel noyabr 2 künü Qırımda ATR telekanalınıñ hadimleri, İslâmovnıñ ana-babasınıñ evinde ve Moskvadaki oğlu yaşağan evinde keçirilgen tintüvler aqqında bildirilgen edi. Birazdan tintüvler İslâmovnıñ bütün şirketlerinde FSB tarafından oña nisbeten açılğan cinaiy işniñ çerçivesinde keçirilgeni aqqında malümat peyda oldı.
İslâmovnıñ fikrine köre, işbu areketler – onıñ Kremlge qarşı mevamınıñ neticesi ve onıñ tarafından teşkil etilgen Qırım qamaçavına cevaptır.
