Qırımtatar Milliy Meclisi oktâbr 31 künü Mısırda Rusiye yolcu uçağınıñ qazası sebebinden taziyelerini bildire. Qaza neticesinde bir çoq insan vefat etti.
Bu aqta Meclis matbuat hızmeti bildire.
«Allah elâk olğanlarnıñ tuvğanlarına küç-quvet bersin», – denile beyanatta.
Oktâbr 31 künü Mısırdan Sankt-Peterburgğa uçqan Rusiye yolcu uçağı Sinay yarımadasında qazağa oğradı. Şarm-el-Şeyh – Sankt-Peterburg seferini keçirgen Airbus A321 «Kogalımavia» uçağı Larnaköy (Qıbristan) ile bağğa çıqmadı. Uçaqta 217 yolcu ve 7 eyyet azası buluna eli.
«İslâm devleti» teşkilâtı felâket içün mesuliyetni özüne aldı, amma bundan soñ halqara ekspertler bildirgeni kibi, qaza hususiyetleri aselet yapılğan areketke uymay eken. Taqiqat devam ete.
Noyabr 1 künü Rusiyede qaza qurbanları içün matem künü olaraq ilân etildi. Ukrainada Rusiye Federatsiyası elçihanesine Kiyev sakinleri çeçek, çıraq, oyuncaqlarnı ketirdi. Çıraqlarnı ölgenlerniñ hatırasına Aqmescitte de yaqtılar.
