Saba, noyabr 2-de, Qırımda ATR qırımtatar telekanalı hadimleriniñ evlerinde tintüvler başlandı. Bu aqta ATR telekanalanıñ muarriri Roman Spiridonov bildire.
Onıñ malümatına köre, bir saat evel ATR telekanalınıñ muarriri Lilâ Bucurova, baş müdiri Elzara İslâmova ve telekanal saibi Lenur İslâmovnıñ ana-babasınıñ evinde tintüvler başlandı.
Bu malümatnı Qırım.Aqiqatqa telekanal saibi Lenur İsâlmov tasdiqladı. Bildirgeni kibi, tintüvlerni FSB hadimleri keçire. Aytqanı kibi, aynı şu areketler Moskvada yaşağan Lenara tatasınıñ evinde de yapıla.
«Qırımda qomşularım ile bağlandım, tintüvlerni FSB hadimleri keçirgeni aqqına bildirdiler. Arqalarında öyle yazılğandır. Moskvada – tek qaravul ve iqtisat mektebinde oquğan oğlum. Onı mında ketirip olamadıq, çünki mektepni bitirmek kerektip. Anda (Qırımda – QA) 82 yaşında babam, anam da Qırımda, 76 yaşında, evde ekisi, tatamda da aynısı», – dey o.
Lilâ Bucurova ve Elzara İslâmova ile bağ şimdilik yoqtır.
Qırım uquq qoruyıcı organlarınıñ resmiy izaatı da berilmey.
