Link açıqlığı

Türkiyede Ukraina elçihanesi Poklonskayanıñ Çubarovnıñ «ğıyabiy apis etilmesi» aqqında bildirüvini izaatladı


Ukrain diplomatlarınıñ fikrine köre, Qırımnıñ rusiyeli prokurorı Natalya Poklonskayanıñ Qırımtatar Milliy Meclisiniñ reisi,Ukraina halq deputatı Refat Çubarovğa nisbeten bildirüvi acuvnı doğura. Bu aqta Türkiyede Ukraina elçihanesiniñ beyanatında aytıla, dep yaza QHA.

«Qanunsız Qırım ükümeti 2014 senesi Qırım işğalinden soñ yerli ealini qorqu ve basqı altında tuta. Qırımda olğan bütün şeyler – yalıñız kelişmegen areketler degil de, halqara uquq üzerinde aqiqiy horlavdır», – denile beyanatta.

Evel Qırımnıñ rusiyeli prokurorı Natalya Poklonskaya bildirgeni kibi, Ukraina Yuqarı Şurasınıñ deputatı, Qırımtatar Milliy Meclisiniñ reisi Refat Çubarovğa Qırım kirişi açıq ve onı Qırımda taqiqat organları onı endi bekley.

Qırımda rusiyeli FSB idaresiniñ taqiqat komiteti Qırımtatar Milliy Meclisiniñ reisi Refat Çubarovğa qarşı cinaiy işni açqan eken. Onıñ sözlerine köre, cinaiy işni devletniñ topraq bütünliginiñ bozuluvına çağıruvlar iyun açtılar.

Evel Çubarovğa Rusiye territoriyasına ve onıñ tarafından işğal etilgen Qırımğa kirişni 5 yılğa yasaq ettiler.

Çubarovğa Qırım kirişi açıq olğanı aqqında resmiy vesiqa şimdilik yoq.

XS
SM
MD
LG