Link açıqlığı

Qırım işğalden azat etilmegence, Rusiyege qarşı cezalar toqtatılmaz – Rusiyede AQŞ elçisi


Rusiyede AQŞ elçisi. John Tefft dey ki, Washington Moskva Minsk añlaşmalarına riayet etse, oña qarşı cezalarnıñ bir qısmını lâğu ete bile, amma Qırım Rusiye işğali altında olğanına qadar, Qırım boyunca sıñırlav qalacaq.

«Minsk añlaşmaları tam derecede amelge keçirilse, sanktsiyalarnıñ bir qısmı lâğu etilecegi aqqında defalarce aytqan edik. Qırım ile bağlı sanktsiyalar işğali devam etkenine qadar saqlanılacaq», – dey Tefft, VKontakte içtimaiy ağı qullanıcılarınıñ suallerine cevap berip.

Moskva ve Ğarp arasındaki munasebetler bıltır, Qırımnıñ rusiyeli işğalinden soñ, bozuldı. Ukraina ve Ğarp Rusiyeni Donbasstaki separatistlerge qol tutqanında qabaatlay. Moskva işbu qaabtlarnı red ete ve Donbassta Rusiye arbiyleri degil de, «göñülliler» cenkleşkeni aqqında bildire.

XS
SM
MD
LG