Rusiye baş naziri Dmitriy Medvedev 2016 senesi yanvar 1-den Ukrainağa qarşı cezalarnıñ kirsetilecegini tahmin etti. Bu aqta o Facebook saifesinde yazdı.
Onıñ sözlerine köre, yanvar 1-den Rusiye «Ukraina boyunca gümrük qoruvınıñ seviyesini arttıracaq».
«Bu qomşularımıznıñ AB ile assotsiatsiya aqqında añlaşmanı işletmek qararı ile bağlı. Bundan da ğayrı, Rusiyege qarşı sanktsiyalarğa qoşulğan Ukrainağa bizim tarafımızdan da iqtisadiy qararlar olur», – dep yazdı Medvedev öz Facebook saifesinde.
Avropa birligi ile Añlaşmanıñ serbest ticaret zonası aqqında qısmı 2016 senesiniñ başından amelge keçmeli.
