Salı künü, noyabr 3-de, Qırımda «Sanaat gecesi»niñ keçirilmesi planlaştırıla, Qırımnıñ şimdiki medeniyet nazirliginiñ matbuat hızmeti bildirgeni kibi, şu künü sergi, oyun, flash-moblar, yır ve oyun dersleri keçecek.
«2015 senesi aktsiya «Sanaat birleştire» şiarı altında keçe. Aktsiya seyirci ve sanaat arasında mesafeni qısqartmaq maqsadı ile keçecek», – denile beyanatta.
Qırım işğalinden soñ Rusiye Qırım territoriyasında olğan bütün medeniy ve tarihiy obyektlerni öz nezaretine keçirdi. Ukraina andaki itibarğa lâyıq olğan yerlerniñ ukrain halqına ait olğanında israr ete ve olarnı UNESKO qoruvı altına keçirmege rica ete.
