Link açıqlığı

Qırım memurları içün cumaertesi künü Sağlıq künü keçecek


Aqmescitte oktâbr 31 künü Qırımnıñ şimdiki parlamenti başınıñ Kupuna Sağlıq künü keçecek. Bunı Qırımnıñ Devlet şurasınıñ matbuat hızmeti bildire.

«Qırım cumhuriyeti devlet şurasınıñ reisi Vladimir Konstantinovnıñ kupu içün Qırım parlamenti, Qırım Nazirler şurası, Aqmescit, Kezlev, Canköy şeerleriniñ memuriyetleri, Aqmescit, İçki ve İslâm-Terek rayon şuralarınıñ memuriyetleriniñ komandaları küreşecek. Yarışnı Qırım parlamentiniñ spikeri Vladimir Konstantinov açacaq», – denile beyanatta.

Sport yarışlarında memurlar GTOnı berecekler. Programmada – yengil atletika, masa tenisi, şahmatlar, mini-futbol, çeki sportu, yaldama boyunca yarışlarnıñ keçirilmesi planlaştırıla.

Tek yarışta iştirak etkenlerni degil de, faal mühlislerni de mukâfatlandıracaqlar.
Qırım mekteplerinde bu sene birinci ders GTO sovet areketine bağışlanğan edi. GTO – «Gotov k trudu i oborone SSSR» («SSCB mudafaası ve emekke azırım»).

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG