Yaltanıñ deñiz limanında cuma künü «Samanta Smit» yolcu teplohodı tutaştı, haber ete Qırım Fevqulâde işler nazirligi.
«Oktâbr 30 künü 2015 senesi saat 09:30 Yalta şeeriniñ deñiz limanında «Samanta Smit» gemisiniñ yanıp tutaşqanı aqqında haber peyda oldı. Gemi uzunlığı 23 m, keñligi – 4 m», – denile beyanatta.
Yanğın yerine Yalta şeeriniñ yanğın-qurtarıcı bölüginiñ eki taqımı çıqtı.
Saat 09.46 yanğın 60 metr kare meydanlığında söndürildi. Kimse zarar körmedi.
«Samanta Smit» teplohodı 1986 senesi İliçevskte quruldı (Ukraina, Odessa vilâyeti). Gemi 294 yolcunı sığdıra.
