Link açıqlığı

Qırımnıñ rusiyeli akimiyeti «narazılıq meydançıqlarında» turğan vatandaşlarnıñ qaydını teşkil etkeni aqqında bildire.

«Qırım cumhuriyeti territoriyasında mesken qurucılığı içün topraq damartılarınıñ berilmesine vatandaş aqlarınıñ amelge keçirilmesi ile bağlı meseleler boyunca vekâletli komissiya yanında iş gruppası teşkil etildi. İşbu gruppa «narazılıq meydançıqlarında» yerleşken topraq damartılarında vatandaşlarnıñ esabat bazasını aktualleştirecek», – dep bildire Qırımnıñ rusiyeli ükümetiniñ mülk ve topraq munasebetleri nazirliginiñ matbuat hızmeti.

İş gruppasınıñ iştirakçileri elektron malümat bazasında qayd etilgen vatandaşlarnı topraq damartılarına «bağlamaq» maqsadı ile massivlerge çıqacaqtırlar.

Bu sene noyabr ayına qadar iş gruppası Aqmescitte ve Aqmescit rayonında yerleşken massivlerge baracaq, bundan soñ Qırımnıñ diger rayon ve şeerlerine.

XS
SM
MD
LG