Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ fikrine köre, bu seneniñ soñuna qadar «Qırım» serbest iqtisadiy zonası aqqında qanunğa deñişüvler qabul etilecek. Bu aqta o Kiyevde keçirilgen matbuat konferentsiyasında bildirdi, haber ete Qırım.Aqiqat mühbiri.
İşğal etilgen territoriya serbest iqtisadiy zona olamaz – aydutlarnıñ ükmü altında bulunğan zonadır. Bu qanun ayrı istisalcılarnıñ menfaatını qoruğan bir qanun edi. Bunı er kes añlay. İşbu qanunnı lâğu etmek imkâniyeti muzakere etildi, amma mevam böyle – birden lâğu etmege imkân yoq, Rusiye tarafı ile munasebet bar», – dey o.
Onıñ sözlerine köre, söz iqtisadiy işbirlik ve Ukrainanıñ şarqiy qısmınıñ elektrik energiyası ile teminlevi aqqında kete. Mustafa Cemilev kene bir kere istilâcı-memleket ile ticaretni alıp barmağa mümkün olmağanını qayd etti ve qanun yaqında ğayrıdan baqılacağına ümütini bildirdi.
Malüm olğanı kibi, Qırım qamaçavı iştirakçileriniñ esas talaplarından biri – «Qırım» iqtisadiy zonası aqqında qanunnıñ lâğu etilmesidir.
