Link açıqlığı

Ukraina Haber siyaseti nazirligi: Qırımğa qırımlılar içün kiriş qаidelerini sadeleştirmek kerek


Qırım meselelrinden ukrain haber siyaseti naziriniñ keñeşçisi Emine Ceppar yarımada toprağına kiriş/çıqış qaideleriniñ sadeleştirilmesi boyunca işniñ alıp barılmasına devam etmek kerek olğanını bildire.

Nazirlikniñ matbuat hızmeti bildirgeni kibi, Emine Ceppar dey ki, mal ve parağa baqmadan, Qırım qaydı olğan Ukraina vatandaşları Qırım memuriy sıñırını maniasız keçe bile.

«Yarımadağa kiriş ve çıqış qaideleriniñ sadeleştirilmesi zarurdır dep tüşünem. Birinci adım sentâbrde etildi, amma işke devam etmek kerek», – dey o.

Ukraina Nazirler kabineti sentâbrde Qırımğa kiriş ve çıqış qaidelerini deñiştirdi. Ondan evel olğan qaideler uquq qoruyıcılar tarafından tenqit etilgen edi.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG