Link açıqlığı

Saatnıñ esas haberi

Herson vilâyetinde Qırım mevzuatında çalışacaq radio yayınlavını inkişaf etmek kerek – Emine Ceppar


Ukraina haber siyaseti naziriniñ Qırım boyunca keñşçisi Emine Ceppar Herson vilâyetinde Qırım mevzuatında çalışacaq radio yayınlavınıñ inkişaf ettirilmesi müim olğanını bildire.

«Esas meseleler arasında Herson vilâyetinde Qırım sakinleri içün çalışacaq radio yayınlavınıñ inkişaf ettirilmesini körem», – haber ete Cepparnıñ sözlerini nazirlikniñ matbuat hızmeti.

Nazir keñeşçisi şunı da qayd etti ki, Qırımnıñ işğalden azat etilmesi Qırım içün çalışacaq radio stantsiyalarınıñ miqdarınıñ arttırılmasını talap ete.

Herson vilâyeti Qırım Muhtar Cumhuriyeti ile sıñırdaştır. Qırım.Aqiqatqa ATR telekanalınnı müdiri Lenur İslâmov bildirgeni kibi, Herson vilâyeti Geniçesk rayonından Qırımğa yayınlavnı alıp barmaq niyeti bar.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay

XS
SM
MD
LG