Link açıqlığı

Saatnıñ esas haberi

QMC prokuraturası: Qırımda Çubarovnıñ «ğıyabiy apis etilmesi» – siyasiy cezalav


Ukraina Baş prokuraturası yanında Qırım Muhtar Cumhuriyetiniñ prokuraturası bildirgeni kibi, Qırımnıñ rusiyeli mahkemesiniñ Meclis reisi Refat Çubarovnıñ «ğıyabiy apis» aqqında qararı yarımadanıñ şimdiki akimiyetiniñ «siyasiy istegi»dir, bunı ukrain muhtariyetini qorçalağanlarnı qorquzmaq içün yapalar.

«Qırım Muhtar Cumhuriyetiniñ territoriyasında qanunsız sürette akimiyetni ellerine keçirgen cinayetçilerniñ siyasiy istegidir. Şimdi işğal etilgen yarımada territoriyasında üküm sürgen nizamsızlıqnı qanunlaştırmaq ıntıluvıdır», – denile beyanatta.

«Refat Çubarovnıñ «apisi» aqqında mahkemeniñ qararı – Ukraina bütünligi bölmege çalışqan istilâcı-memleketniñ areketlerine qarşı çıqqanlarnı qorquzmaq ve Qırım üzerinde mustaqillikniñ qaytarılmasına imkân bermemek ıntıluvlarıdır», – qayd eteler QMC.

Mında şunı da qayd ettiler ki, Qırım cumhuriyetiniñ «akimiyet organları», şu cümleden Aqmescit şeeriniñ Kiyev rayon mahkemesi, Qırım ve Aqyar şeeri boyunca FSB İdaresi – qanunsızdır.

Evel Qırımnıñ rusiyeli prokurorı Natalya Poklonskaya bildirgeni kibi, Ukraina Yuqarı Şurasınıñ deputatı, Qırımtatar Milliy Meclisiniñ reisi Refat Çubarovğa Qırım kirişi açıq ve onı Qırımda taqiqat organları onı endi bekley.

Qırımda rusiyeli FSB idaresiniñ taqiqat komiteti Qırımtatar Milliy Meclisiniñ reisi Refat Çubarovğa qarşı cinaiy işni açqan eken. Onıñ sözlerine köre, cinaiy işni devletniñ topraq bütünliginiñ bozuluvına çağıruvlar iyun açtılar.

Evel Çubarovğa Rusiye territoriyasına ve onıñ tarafından işğal etilgen Qırımğa kirişni 5 yılğa yasaq ettiler.

Çubarovğa Qırım kirişi açıq olğanı aqqında resmiy vesiqa şimdilik yoq.

XS
SM
MD
LG