Link açıqlığı

Qırım akimiyeti Aqmescitte ücüz fiyatlar ile mal satılacaq köy hocalıgı panayırını ilân ete.

Bu aqta malümat Qırımnıñ rusiyeli ükümetiniñ saytında aşkâr etilgen.

Malümatqa köre, panayır noyabr 7 künü Qırım paytahtında keçirilecek.

Beyanatta qayd etilgeni kibi, Aqmecitniñ çarşılarında keçirilecek teşkerüv neticesinde, orta fiyat belgilenecek, oña köre panayır fiyatları 15-20% eksilecek.

«Yarmalıqta et ve et mahsulatı, balıq, yımırta, sebze ve meyvalar, ötmek, ötmek ve makaron mahsulatı, yağ, süt mahsulatı, bal, aşlama, konservalar ve köy hocalığı mahsulatınıñ diger çeşitleri satılacaq», – denile beyanatta.

Yarmalıq Aqmescitte daa oktâbr 24 künü keçirilmek kerek edi, amma onı «yaramay ava şaraitlerinden» sebep lâğu ettiler.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

XS
SM
MD
LG