Link açıqlığı

Ukraina Baş prokuraturası yanındaki QMC prokuraturasında Qırımda Ukraina halq deputatı, Qırımtatar Milliy Meclisiniñ reisi Refat Çubarovnıñ «ğıyabiy apisi» cinaiy sürette cezalana bilесеgeni bildirdiler.

Bunı Qırım.Aqiqatqa QMC prokurorınıñ muavini Nazar Holodnitskiy bildirdi.

«İşğalcilerniñ areketlerinde Ukraina Cinaiy kodeksiniñ 346 maddesiniñ birinci qısmınıñ bozuluvı qayd etile – halq deputatınıñ serbestligine telüke», – dey Holodnitskiy.

O şunı dey ki, Çubаrovdan resmiy muracaat daa kelmedi.

«Tünevin Çubarov ile şahsen körüştik, bu şeylerni muzakere ettik. Bu kibi uquq bozuluvını diqqatsız qaldırmamız. Muracaat kelgeninden soñ QMC prokuraturasınıñ resmiy mevamını aşkâr etermiz», – dey Holodnitskiy ve Çubarov arizanı oktâbr 29 kününiñ soñuna qadar bermege vade etkenini bildirdi.

Mezkür maddege köre 5 yıllıq apis cezası berile bile.

Evel Qırımnıñ rusiyeli prokurorı Natalya Poklonskaya bildirgeni kibi, Ukraina Yuqarı Şurasınıñ deputatı, Qırımtatar Milliy Meclisiniñ reisi Refat Çubarovğa Qırım kirişi açıq ve onı Qırımda taqiqat organları onı endi bekley.

Qırımda rusiyeli FSB idaresiniñ taqiqat komiteti Qırımtatar Milliy Meclisiniñ reisi Refat Çubarovğa qarşı cinaiy işni açqan eken. Onıñ sözlerine köre, cinaiy işni devletniñ topraq bütünliginiñ bozuluvına çağıruvlar iyun açtılar.

Evel Çubarovğa Rusiye territoriyasına ve onıñ tarafından işğal etilgen Qırımğa kirişni 5 yılğa yasaq ettiler.

Çubarovğa Qırım kirişi açıq olğanı aqqında resmiy vesiqa şimdilik yoq.

XS
SM
MD
LG