Link açıqlığı

Saatnıñ esas haberi

Cemilevniñ Amerka diplomatları ile körüşüvinde qamaçav mevzusı muzakere etildi


Qırım qamaçavı boyunca vatandaşlıq qamaçavı ve yarımadanıñ işğalden azat etilmesi Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ Avropa ve Avraziyada Devlet departamentiniñ qaparcılıq ile küreş bürosınıñ idarecisi, Amerika diplomatı George Kent ile körüşüvinde muzakere etildi.

Bunı vekâletliniñ matbuat hızmeti bildire.

«Muzakere etilgen esas noqta Qırımnıñ işğalden azat etilmesine, vatandaşlıq qamaçav aktsiyasına, Qırım boyunca informatsion faaliyet ve Ukrainadaki islâatlar ile bağlı edi», – denile beyanatta.

İşbu körüşüvniñ neticeleri belli degil.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG