Qırımnıñ rusiyeli başı Sergey Aksenov Ğarpta keñ sürette qayd etilgen Halloweenni «Rusiye halqlarınıñ ruhiy ve medeniy adetlerine qarşı olğan igrenç maski-show» olaraq adladı. O Qırım Tasil nazirligine yarımada mekteplerinde işbu bayram ile bağlı tedbirlerniñ keçirilmesini yasaq etmege tevsiye ete.
Bu aqta Aksenovnıñ Facebooktaki resmiy saifesinde aytıla.
«Menimce, oquv yurtlarında Halloween ile bağlı tedbirler olmamalı. Qırım Cumhuriyetiniñ Tasil nazirligi mütenasip tevsiyesini bildirmeli», – dep yazdı o
Qırım baş naziriniñ fikrine köre, Halloween adetleri «Rusiye içün adetiy diniy-ahlâqiy degerliklerniñ bozuluvına» yönelgen.
Evel Rusiye matbuat vastaları bildiregni kibi, Arhangelsk vilâyetinde talebelerge Halloweenni qayd etmege yasaq ettiler.
